Narekober sa mga otoridad ang gitagoang gamit sa miyembro sa New People’s Army (NPA) ug ni-surrender ang usa ka miyembro sa NPA sa Agusan del Sur ug Agusan del Norte.
Narekober sa gihimong operasyon sa kapulisan ang duha ka hand grenade, usa ka improvised explosive device (IED), 30 metros nga detonating wire, ug lima ka magazine para sa kalibre 7.62mm nga mga pusil.
Samtang, laing hiniusang operasyon ang mitultol sa boluntaryong pagsurender sa usa miyembro sa NPA nga nailhan lamang sa alyas nga “Victor” sa Barangay 9, Cabadbaran City, Agusan del Norte.
Nahibal-an nga miyembro sa nabungkag nga Sandatahang Yunit Propaganda 21C ubos sa nahuyang nga Guerilla Front 21 sa North Eastern Mindanao Regional Committee ug giturn-over niini ang usa ka kalibre .357 revolver ug duha ka bala.
Nagpadayon ang pwersa sa PNP sa pagpatuman og community engagement initiatives sa tibuok rehiyon isip kabahin sa mas lapad nga tumong nga masiguro ang kaluwasan sa publiko ug ang malungtarong kalig-on sa mga lugar nga naapektuhan sa kagubot.