Gisumpo sa Philippine Eagle Foundation (PEF) ang malampusong pagkapusa sa Philippine Eagle Chick No. 32 nga ginganlan og Bayani, nga nagpasabot og “hero” sa Filipino. Napusa si Bayani niadtong Disyembre 5, 2025 sa National Bird Breeding Sanctuary.
Si Bayani anak sa Philippine Eagles nga Dakila ug Sinag, nga nabuhi pinaagi sa cooperative artificial insemination ug gitabangan sa modernong incubator system nga gigamit sa foundation. Karon nga ikatulong bulan na sa iyang kinabuhi, giingon sa PEF nga usa kini ka dako nga lakang sa ilang conservation breeding program alang sa pagpanalipod sa Philippine Eagle.
Ang sanctuary nga adunay 105 ka ektarya nahimutang sa Eden Tourism Reservation Area ug ginabantayan sa mga Bantay Bukid volunteers gikan sa Bagobo-Tagabawa tribe aron masiguro ang kaluwasan sa mga agila ug sa ilang breeding program.
Source: SanStar Publishing Inc.