Samdan ang usa ka pulis human gi-ratrat sa wala pa mailhing suspek sa Sitio Lower Salbu, Barangay Salbu, Datu Saudi Ampatuan, Maguindanao del Sur adtong Martes sa gabi-i, Hunyo 9, 2026.
Gi-ila ang pulis nga si Police Staff Sergeant (PSSg) Samsudin Utto Abdullah, 51-anyos, minyo, ug naka-assign sa Datu Saudi Ampatuan Municipal Police Station.
Nahibal-an nga sakay sa puti nga Toyota Avanza ang biktima ug pauli na kini human sa iyahang checkpoint duty gikan 6:00 hangtod 8:00 sa gabi ug kalit lang kini gipaulanan ug bala.
Swerte nga matawag human kini buhi ug naka-angkon lamang ug minor gunshot injuries sa to-o nga bahin sa iyang braso ug nabu-ak ang samin sa driver side sa iyang gimaneho nga sakyanan.
Kasamtangan nga ana a sa Integrated Provincial Health Office (IPHO)-Maguindanao Hospital para sa atensyonh medikal ug padayon ang lalom nga imbestigasyon arun masuta ang mga suspek ug ang motibo sa maong pagpamusil sa usa ka pulis nga gapatuman lamang sa balaod arun mamintinar ang kahapsay ug kalinaw sa atong nasud.