Nasakmit sa mga awtoridad ang gibanabanang ₱1.75 milyon nga kantidad sa gidudahang mineral ores atol sa usa ka operasyon batok sa anti-illegal mining operation sa Brgy. Samburon, Linamon, Lanao del Norte niadtong Hulyo 15, 2026.
Gi-ila ang nadakpan nga sila si alyas “Rick,” 25 anyos, minyo ug residente sa Manolo Fortich, Bukidnon, ug alyas “Mark,” 20 anyos, residente sa Tagoloan, Misamis Oriental.
Sumala sa report, gipahunong sa mga awtoridad ang usa ka puti nga Hino wing van truck alang sa inspeksyon human namatikdan ang mga paglapas sa trapiko. Nakaplagan nga ang drayber wala nagsul-ob og seatbelt, walay maipakitang valid driver’s license, ug ang kolor sa sakyanan giusab gikan sa puti ngadto sa asul nga walay hustong pagtugot.
Nadiskubre sa kapulisan ang 350 ka sako sa gidudahang mineral ores nga gibanabanang nagkantidad og ₱1,750,000.00.
“Illegal mining poses a serious threat to our environment, our communities, and the rule of law. PRO10 will continue to intensify its operations against individuals and groups engaged in unlawful mining activities in close coordination with the Mines and Geosciences Bureau and our other partner agencies. We remain committed to ensuring that those found to have violated the law are held accountable through due process,” sigun ni Police Brigadier General Christopher N Abrahano, Regional Director sa Police Regional Office 10.