Kapin 45 ka livestock farmers nga nagrepresentar sa 38 ka Barangay Livestock Associations ang mitambong sa Malaybalay City Livestock Farmers Federation General Assembly and Consultation Meeting niadtong Hulyo 14, 2026 sa Barangay Covered Court sa Managok, Malaybalay City, Bukidnon.
Gihisgutan sa kalihokan ang mga resolusyon sa pederasyon, mga ordinansa nga nagsuporta sa livestock industry, mga programa sa City Government, ug ang responsibilidad sa mga benepisyaryo sa livestock dispersal program.
Mitambong sa maong tigom sila Councilor Alan Ryan O. Legaspi, Dr. Omar T. Cahanap, Dr. Carlito Christian G. Noel, Mr. Butch Arnel B. Ocaya, ug Ms. Ching M. Lumanta, Presidente sa Malaybalay City Livestock Farmers Federation.
Tumong sa kalihokan nga mapalig-on ang panag-uban sa Malaybalay City Government ug sa mga livestock farmers aron mapalambo ang produksyon sa kahayopan, madugangan ang kita sa mga mag-uuma, ug masuportahan ang malungtarong kalamboan sa sektor sa livestock sa dakbayan.
Report: Dr. Omar T. Cahanap, CVO-NADA