Nasakmit ang nasa mikabat nga ₱80 milyon kantidad sa marijuana kush sa gihimo nga buy-bust operation sa PNP ug PDEA sa Barangay Pasiagan, Bongao, Tawi-Tawi niadtong Lunes, Enero 26, 2026.
Gi-ila ang duha ka suspek nga si alyas “Chomen,”, Malaysian National ug alyas “Jerry,” kanhi SK Chairman sa Barangay Tubig-Boh.
Narekober sa maong operasyon ang upat ka vacuum-sealed transparent plastic bags nga nagtimbang ug tig-usa ka kilo gikan sa gibulad nga marijuana kush, 135 vacuum-sealed transparent plastic bags nga na’ay sulod nga 33.75 kilo sa uga nga marijuana ug 50 vacuum-sealed transparent plastic bags nga na’ay sulod nga 25 kilo sa uga nga marijuana kush.
Solido ang PNP ug PDEA sa pagdakop sa mga tao nga nalambigit sa iligal nga aktibidad nga mao ang rason sa taas nga kriminalidad sa atong nasud ug rason nganong madaot ang maayong kaugmaon sa atong mga kabatan-onan.