Patay na ang usa sa sundalo nga giratrat sa riding-in-tandem human naka-angkon sa samad pinusilan sa lahi-lahi nga parte sa iyang lawas adtong Enero 26, 2026 sa Barangay Baguindan, Tipo-Tipo, Basilan
Gi-ila ang sundalo nga namatay nga si Private First Class (PFC) Mark Antony Libo-On, 23-anyos.
Nahibal-an nga samtang nagpalit sa usa ka tindahan sila Private First Class (PFC) Mark Antony Libo-On, ug PFC Jomare Sadjail, naka-assign sa Bravo Company sa 45th Infantry Battalion, ug sa dihang kalit lang kini giratratan ang duha ka sundalo sa duha ka lalaki ug daling ni-ikyas human ang pagpamusil gamit ang motor.
Parehas naka-angkon ug samad pinusilan ang duha ka sundalo ug narekober ang mga bala gikan sa kalibre 45 nga pistola.
Samtang, padayon ang lalom nga imbestigasyon sa PNP ug AFP arun madakpan ang mga suspek nga nagpaluyo sa maong pagpatay ug gikondena kini sa otoridad human ang duha ka sundalo, na ilhan nga maayong tao ug matinabangon sa katawhan.