Patay ang tulo ka indibidwal apil na ang usa ka sundalo ug usa ka menor-de-edad sa engkwentro tali sa kasundaluhan ug rebelde sa sitio Nangka, Barangay Liang, Patikul, Sulu adtong Dominggo Pebrero 1, 2026.
Gi-ila ang mga namatay nga si Sergeant (Sgt) Earl Andrew G Baguioro 35th gikan sa Infantry Battalion sa Philippine Army; Najer Aghagbari Hasim, 48 anyos nga lalaki, minyo, miyembro sa BPAT ug si Maulidal Misang Hasim, 7 anyos nga lalaking estudyante.
Samtang, samdan pud si Lilia Misang Hashim, 39 anyos, babae, housewife.
Sigun sa Patikul Municipal Police Station, naabtan sa maong lugar ang nagbuy-od nga mga patay nga lawas sa mga biktima samtang anaa a sa hospital si Lilia.
Nahibal-an nga nagpatrolya ang kasundaluhan tungod sa sumbong sa mga residente tungod sa presensya sa mga armadong lugar sa maong lugar ug kalit lang gipaulanan ug bala sa duha ka armadong lalaki nga si alyas “Salip Rigban” ug alyas “Aya Fhadz” taga barangay Bungkaong, Patikul, ug kining mga tawhana nagpasiugdan sa recruitment activities arun paghimo ug mga local nga armadong grupo.
Padayon ang Patikul PNP sa lalom nga imbestigasyon ug gi-awhag ang katawhan sa kooperasyon ug tabang arun mapugngan ang bisan unsang bahad labi na sa seguridad sa katawhan arun makab-ot ang kalamboan sa atong nasud.
Photos gikan sa Patikul MPS/Philippine Army