Gilunsad ang “Project Liwanag at Tubig” nga gipangunahan ni Police Brigadier General Christopher N Abrahano, Regional Director sa Police Reginal Office 10 sa Sitio Malipayon, Brgy. Tagbak, Talakag, Bukidnon adtong Huwebes, Enero 5, 2026.
Ang kapulisan naghatag ug walo ka solar lights ug water tanks alang sa Indigenous Peoples (IPs) community.
Naghimo pud ug libreng pagputol sa buhok, tsinelas, snacks ug candies alang sa mga kabatan-onan.
Samtang, si Datu Migbangun Nori Lugpao, Tribal Leader, ug Hon. Runnie Mhel P Salungayan, Punong Barangay sa Brgy. Tagbak, nagpa-abot sa dako ug kinasing-kasing nga pasalamat sa kapulisan tungod nga nagdala ang aktibad sa paglaum ug kahayag sa ilang komunidad.
“Importante nga personal natong maabot ang atong mga kababayan sa mga hilit nga lugar aron mobati sila nga adunay gobyerno ug kapulisan nga nagpakabana kanila. Ang kapulisan mga kaabag sa katawhan, dili mga kaaway. Bisan pa man og atong gipatuman ang balaod, ang atong pangunang katungdanan mao usab ang pagtubag sa mga panginahanglan sa komunidad, bisan pa kon kini molapas sa pagpatuman sa balaod.” mensahe ni RD Abrahano.
