Tingkagol ang Top 10 Most Wanted Person sa Northern Mindanao ug gi-ilang miyebro sa New People’s Army sa kasong Murder sa usa ka operasyong gipahigayon sa mga otoridad sa Manolo Fortich, Bukidnon niadtong Martes, Marso 10, 2026.
Giila ang suspek nga si alyas “Arman”, 38 anyos, residente sa Balingasag, Misamis Oriental, ug nasayran nga ang maong suspek mao ang gituohang responsable sa pagpatay sa usa ka kanhing barangay captain sa Balingasag, Misamis Oriental.
Gisikop ang maong suspek pinaagi sa Warrant of Arrest alang sa kasong Murder nga walay girekomendang piyansa.
Nasayran usab nga ang suspek miyembro sa Communist Terrorist Group ubos sa Squad 1, Sub-Regional Committee 1 (SRC-1) sa North Central Mindanao Regional Committee (NCMRC).
Nagpabilin ang PNP Criminal Investigation and Detection Group sa ilalom sa liderato ni Police Major General Robert AA Morico II, Director, sa hugot ug dasig nga pagsikop sa mga miyembro ug tagasuporta sa NPA nga wala’y laing dala kundili pagbahad sa mga ordinaryong tao, gubot ug terorismo nga ma’oy babag sa pagkabot sa kalinaw ug kalamboan sa atung nasud.