Un sospechoso na caso del robo-slay na Pilar Street el pasado Abril 10 ya presenta na Mayor Khymer Olaso este Lunes despues de su captura na Lantawan.
El sospechoso, identifica como si Jamil Binasing, 21 anyos, ya arresta gracias na koordinacion del Zamboanga City Police Office y local officials. Durante el briefing, ya admiti ele su participacion na crimen y ya nombra un supuesto lider.
El alcalde ya entrega tambien P300,000 recompensa, galing na su propio fondo, para con el tres informants quien ya ayuda na arresto.
El incidente resulta del un alegado esquema de robo donde ya mata el victimas despues del transaccion. El otro sospechoso ta queda libre y continua el operacion para su captura.
Recorda que el maga victimas—un Lebanese national y su esposa Filipina—ya mata dentro de su negocio na Pilar Street. Autoridades ta continua investiga mientras el sospechoso ta queda bajo custodia del ZCPO.
Source: City Government of Zamboanga