Patay ang usa ka giingong drug suspect human mauwi sa engkuwentro ang buy-bust operation sa Special Geographic Area (SGA) sa BARMM niadtong Abril 21, 2026.
Sumala sa report, nasamsam sa mga operatiba sa PDEA-BARMM, uban sa PNP ug 33rd Infantry Battalion, ang mga 50 gramos nga gituohang shabu nga nagkantidad og kapin Php340,000 sa Barangay Simsiman, Pahamudin.
Ang suspek, nailhan sa alyas “Nhadz,” 28 anyos ug residente sa Barangay Benasing, Pigcawayan, giingong nalambigit sa illegal nga droga sa SGA ug mga kasikbit nga lugar.
Sa operasyon, nakabantay ang suspek nga mga awtoridad ang iyang ka-transaksyon ug misukol pinaagi sa pagpamusil, hinungdan nga gumanti ang mga operatiba. Naangol ang suspek ug gidala sa ospital apan gideklarang dead on arrival.
Narekober usab sa lugar ang usa ka .45 kalibre nga pusil, mga bala ug basiyo, cellphone, buy-bust money, ug lisensya sa suspek.
Nagpadayon ang PDEA-BARMM sa ilang kampanya batok sa illegal nga droga ug nanawagan sa publiko nga makigtambayayong aron mapadayon ang kalinaw ug kahapsay sa komunidad.
Source: StarFM Cotabato