Nagpahigayon ang Agusan del Sur Police Provincial Office ubos sa pagpanguna ni Police Colonel Yahya Bustamante Yusup, Provincial Director, og Pre-Deployment Orientation alang sa dugang nga pagpalig-on sa PNP personnel isip pagpangandam alang sa malampuson ug luwas nga Palarong Pambansa 2026 nga gihimo niadtong Mayo 13, 2026.
Gipasiugda sa maong kalihokan ang disiplina, kaluwasan sa publiko, ug dedikasyon sa pagsiguro nga malinawon, organisado, ug luwas ang palibot alang sa tanang atleta, delegado, opisyal, ug mga manan-aw sa tibuok nga nasudnong kalihokan sa dula.
Gibutyag ni PCol Yusup, nga andam na ang kapulisan sa maong dako nga aktibidad ug gi-awhag ang katawhan sa kooperasyon arun wala’y kaguliyang nga mahitabo ug magpabilin nga malinawon.