Ni-surrender ang duha ka miyembro sa New People’s Army (NPA) sa opisina sa Butuan City Police Station 6 niadtong Mayo 14, 2026 sa Purok-10, Barangay Los Angeles, Butuan City, Agusan del Norte.
Gi-ila ang mga ni-surrender nga sila si alyas “Hugh,” 65 anyos, supply carrier sa NPA ubos sa Sub-Regional Sentro De Grabidad (SRSDG) Westland, North Eastern Mindanao Regional Committee (NEMRC); ug alyas “Boboy,” 48 anyos, pulos residente sa Barangay Anticala, food runner sa susamang grupo.
“Kini nga boluntaryong pagsurender sa duha ka kanhing supporters sa CTG usa ka maayong timailhan nga daghan na ang nakasabot nga ang tinuod nga kalinaw ug kalamboan makita lamang pinaagi sa pagsunod sa balaod. Gina-awhag namo ang uban pang miyembro ug supporters sa CTG nga mobalik sa sabakan sa balaod ug pahimuslan ang mga programa sa gobyerno alang sa mas luwas ug mas maayong kaugmaon,” sigun ni Police Captain Darlin C Migullas, Acting Station Commander, Butuan City Police Station 6.