Nanguna ang kapulisan sa General Santos City Police Office sa road clearing operation aron mapahapsay ang dagan sa trapiko ug masiguro ang kaluwasan sa mga motorista sa siyudad karung adlawa, Martes, Hunyo 9, 2026.
Ang operasyon gipahigayon sa nagkalainlaing dalan ug pampublikong lugar diin adunay mga natumba nga mga kahoy tungod sa nahitabong pagtay-og gahapon ug uban pang mga butang nga makababag sa libre nga pag-agi sa publiko.
Sumala sa kapulisan, ang maong kalihokan kabahin sa padayon nga kampanya sa lokal nga kagamhanan alang sa pagpatuman sa mga balaod sa trapiko ug pagmintinar sa kahapsay sa mga kadalanan.
Nagpasalig ang GenSan PNP nga magpadayon ang susamang mga operasyon aron masiguro ang kahapsay sa trapiko, kalimpyo sa palibot, ug kaluwasan sa tanang lumulupyo sa General Santos City.
“Sa panahon ng sakuna, sama-sama tayong kikilos upang matiyak ang kaligtasan ng bawat mamamayan. Nandito ang inyong kapulisan, handang tumulong at maglingkod.” sigun ni Police Brigadier General Alan B Manibog, Regional Director sa Police Regional Office 12.