Ang Gobyerno sa Dakbayan sa Davao nagpadala karong adlawa, Hunyo 16, 2026, og 4,000 ka kahon sa mga ayuda ug 3,000 ka usa ka litro nga botelya sa ilimnong tubig ngadto sa mga lugar nga naapektuhan sa linog, lakip na ang General Santos City, Sarangani, ug Jose Abad Santos.
Ana-a sa 42 ka miyembro nga grupo gikan sa Gobyerno sa Dakbayan sa Davao, nga gilangkuban sa mga kawani sa City Disaster Risk Reduction and Management Office (CDRRMO), City Social Welfare and Development Office (CSWDO), City Engineer’s Office (CEO), City Mayor’s Office (CMO), Security Cluster, ug uban pang mga frontline offices, maoy nangulo sa mga operasyon sa paghatod sa ayuda karong adlawa.
Kini nga tabang kabahin sa suporta sa Gobyerno sa Dakbayan sa Davao alang sa nagpadayon nga mga kalihokan sa pagtabang ug pagbangon sa mga lugar nga grabeng naapektuhan sa magnitude 7.8 nga linog niaging semana, nga nakapahawa ug nakaapekto sa liboan ka mga pamilya sa tibuok rehiyon.
Niaging semana, ang Gobyerno sa Dakbayan sa Davao, sa pakigtambayayong sa Office of Civil Defense (OCD) XI, mitabang sa paghatod og ilimnong tubig ngadto sa mga komunidad nga naapektuhan sa linog. Ang CDRRMO mitabang usab sa medikal nga pagbalhin sa mga pasyente gikan sa Sarangani ngadto sa Southern Philippines Medical Center (SPMC) sa Davao City aron masiguro nga madawat nila ang gikinahanglang medikal nga pag-atiman.