Gipamatud-an pag-usab sa National Capital Region Police Office (NCRPO), ilalom sa pagpangulo ni Police Major General Anthony A. Aberin, Regional Director, nga nagpabilin nga pangunang prayoridad niini ang kaluwasan ug seguridad sa publiko sa gihimong religious rally sa lain-laing bahin sa Metro Manila gikan pa niadtong Lunes hangtod karong Huwebes, Hulyo 2, 2026.
Sumala sa NCRPO, padayon nga gipalig-on ang mga lakang sa pagmintinar sa kalinaw ug kahapsay pinaagi sa mas kusog nga presensya sa kapolisan, pagpatuman sa maximum tolerance sa panahon sa rally, estriktong pagpatuman sa mga balaod trapiko, ug dayon nga pagresponde sa mga insidente o emergency nga may kalabotan sa kaluwasan sa publiko.
Sa pakigtambayayong sa Metropolitan Manila Development Authority (MMDA), ang NCRPO padayon nga nagabantay sa kahimtang sa trapiko ug nagpatuman sa angay nga mga lakang sa pagdumala niini aron maminusan ang kasamok, samtang gigarantiyahan ang kaluwasan sa publiko ug nagmintinar sa kalinaw ug kahapsay.
Giawhag usab sa NCRPO ang tanan nga magpabilin nga updated pinaagi sa opisyal nga mga pahibalo, magplano sa ilang biyahe daan, ug magpakita og pagtahod ug konsiderasyon sa mga kapwa motorista ug sa mga personnel nga nag-duty aron masigurong hapsay ang pagpadagan sa maong rally.