Narekober ang nasa P6.9 milyon nga kantidad sa mineral ores sa gihimong intelligence operation sa mga awtoridad sa Brgy. Limonda, Opol, Misamis Oriental niadtong Hulyo 3, 2026.
Giila ang suspek nga si alyas “Jimmy”33 anyos, residente sa Trento, Agusan del Sur.
Nahibal-an nga nakwa-an kini ug 865 ka sako sa mineral ores nga nagkantidad ug ₱6,920,000.00.
Dihadiha usab nga mipahigayon og checkpoint operation ang kapulisan nga misangpot sa pagkadakop sa laing duha ka indibidwal nga gituohang nalambigit sa ilegal nga kalihokan.
Giila sila pinaagi sa mga alyas nga “Ramon,” 25 anyos, minyo, ug “Eddy,” 35 anyos, ulitawo ug helper, mga residente sa Tagum City, Davao del Norte.
“Our law enforcement efforts extend beyond maintaining peace and order, they also include protecting the environment from unlawful exploitation. PRO10 will continue to support the enforcement of environmental laws through sustained intelligence-driven operations and close coordination with our partner agencies,” mensahe ni Police Brigadier General Christopher N Abrahano, Regional Director sa Police Regional Office 10.