Malampusong gipahigayon ang Media Orientation on the Bangsamoro Peace Process, Bangsamoro Electoral Code, ug Media Safety karung adlawa, Hulyo 8, 2026.
Gihimo kini aron mapalambo ang kahibalo sa mga miyembro sa media, OPAPRU, COMELEC, BTA, PTFoMS, ug Bangsamoro Information Office, bahin sa kahimtang sa proseso sa kalinaw sa Bangsamoro, ang mga probisyon sa Bangsamoro Electoral Code, ug ang importansya sa kaluwasan sa mga mamamahayag.
Atol sa maong kalihokan, gihisgutan sa mga resource persons ang papel sa media sa paghatag og tukma, patas, ug responsableng impormasyon ngadto sa publiko, ilabina sa panahon sa eleksyon ug sa padayon nga proseso sa kalinaw.
Gipasiugda usab ang kahinungdanon sa pagsunod sa etikal nga pamahayag ug sa pagpanalipod sa seguridad sa mga mamamahayag samtang nagtuman sa ilang katungdanan.
Ang maong orientation usa ka mahinungdanong lakang aron mapalig-on ang kapasidad sa media isip kasaligan nga kaabag sa pagpalambo sa kalinaw, demokrasya, ug maayong pagdumala sa Bangsamoro labi na sa mahitabong 1st Bangsamoro Parliamentary Elections.