Patay ang usa ka 39-anyos nga amahan samtang ang iyang 16-anyos nga anak nasamdan human sila gipamusil sa wala pa mailhing mga armado sa Barangay Rosary Heights 10, Cotabato City, Sabado sa buntag.
Sumala sa kapolisan, gisundan ang mag-amahan nga nagsakay og motorsiklo ug gipusil sa mga suspek nga sakay usab og laing motorsiklo. Gidala dayon ang duha sa ospital apan gideklarang patay ang amahan, samtang nagpadayon ang pagtambal sa iyang anak.
Padayon karon ang imbestigasyon sa kapolisan aron mailhan ang mga suspek ug masayran ang motibo sa krimen. Gipahigayon usab ang follow-up operations ug pagtan-aw sa mga CCTV footage aron matabangan ang pagdakop sa mga responsable.
Source: StarFM Cotabato