Padayon nga gipatuman ang Oplan Kalinis sa Dakbayan sa Valencia City, Bukidnon aron mapadayon ang kalimpyo ug kahapsay sa mga pampublikong lugar.
Karong adlawa, Hulyo 16, 2026, aktibong mipartisipar ang mga miyembro sa Barangay Community Leaders Association (BCLA) gikan sa Baranggay Concepcion ug Baranggay Guinoyoran pinaagi sa pagpahigayon og clean-up activity sa palibot sa City Hall , Farmers market ug Sayre Highway Hagkol , isip kabahin sa hiniusang paningkamot sa pagmintinar sa limpyo, hapsay, ug maayong palibot.
Ubos sa liderato ni Mayor Amie G. Galario, kauban ang 10th Sangguniang Panlungsod ubos sa pagpangulo ni Vice Mayor Greizl Galario-Fernandez, padayon nga ginaawhag ang mga barangay, organisasyon, ug komunidad sa aktibong pag-apil sa mga kalihokan nga nagpalambo sa kalimpyo ug kahapsay sa siyudad.
Pinaagi sa panaghiusa ug kooperasyon sa matag sektor sa komunidad, mas mapalig-on ang kultura sa pag-atiman sa kalimpyo ug kahapsay, ug mapadayon ang mas bibo nga Dakbayan sa Valencia.
PIAD | Jay Fernandez-Ara
Photos: Joan Enriquez