Unom ka kanhi miyembro sa usa ka violent extremist group ang mibalik-loob sa gobyerno, samtang 24 ka loose firearms ang boluntaryong gitugyan atol sa kalihokan sa 1st Mechanized Infantry (Lakan) Battalion sa Barangay Midtimbang, Datu Anggal Midtimbang, Maguindanao del Sur niadtong Hulyo 29.
Gipangulohan ni Lieutenant Colonel William Sabado ang presentasyon sa mga mibalik-loob ug sa mga armas ngadto kang Brigadier General Edgar L. Catu sa 6th Infantry (Kampilan) Division ug 601st Infantry Brigade. Nakadawat usab ang mga mibalik-loob og rice ug cash assistance gikan sa mga lokal nga pangagamhanan ug mga ahensya sa gobyerno isip suporta sa ilang reintegration.
Matod sa 601st Infantry Brigade, sukad 2025, nakarekober na sila og 747 ka high-powered firearms. Nanawagan si Major General Jose Vladimir R. Cagara sa mga nahibiling miyembro sa armadong grupo ug mga tag-iya sa loose firearms nga mosunod sa pagbalik-loob ug boluntaryong pagtugyan sa armas alang sa malungtarong kalinaw ug seguridad sa rehiyon.
Source: StarFM Cotabato