Nasabat sa mga operatiba sa PRO-BAR ang gibana-banang 466 gramos sa gituohang shabu nga nagkantidad og P3.16 milyon sa buy-bust operation sa Barangay Lilod Baklayan, Ditsaan Ramain, Lanao del Sur niadtong Hulyo 31.
Nadakpan ang 45-anyos nga tricycle driver nga si Musa Nahar Umayog alyas “Nahar,” samtang ang iyang kauban nga alyas “Alnor” namatay human sa panagpinusilay sa mga operatiba samtang misulay kini og ikyas. Wala may pulis nga nasamdan sa insidente.
Gawas sa gituohang shabu, nakumpiska usab ang boodle money, buy-bust money, Honda XRM motorcycle, yawe niini, ug duha ka lighter. Padayon ang imbestigasyon sa kapulisan ug ang kampanya batok sa ilegal nga droga.
Source: StarFM Cotabato