Naghimo ang mga lider sa Tëduray ug Lambangian og Tribal Assembly sa Upi, Maguindanao del Norte niadtong Agosto 6 aron mopili og mga representante sa Non-Moro Indigenous Peoples (NMIPs) sa Bangsamoro Parliament.
Pinaagi sa consensus process o customary law, napili sila Jude Martin Jover ug Ludivico Marcelino isip pangunang representante sa Tëduray. Napili usab ang duha ka alternatibong representante ug 10 ka delegado.
Matod sa mga lider-katutubo, ang proseso nagpakita sa ilang padayong paggamit sa tradisyunal nga sistema sa pagdumala ug katungod sa pagpili og representante base sa ilang kultura, kaugalian, ug customary laws.