Naghatod ang mga miyembro sa 2nd Sultan Kudarat Provincial Mobile Force Company nagkadaiyang serbisyo sa gobyerno ngadto sa mga lumulupyo sa Sitio Kepopo, Barangay Keytodac, Lebak, Sultan Kudarat pinaagi sa Revitalized Pulis sa Barangay (R-PSB) activity niadtong August 30, 2026.
Gisuportahan ang maong kalihokan sa Lokal nga Pagagamhanan sa Lebak ubos sa pagpanguna ni Hon. Frederick F. Celestial, uban ni Barangay Chairman Alexander Española, nagkadaiyang ahensya sa gobyerno ug mga partner nga organisasyon.
Lakip sa mga serbisyo nga gihatag ang medical consultation pinaagi sa “Doktor sa Barangay” Program sa Municipal Health Office, tabang sa civil registration gikan sa Municipal Local Civil Registrar, serbisyo sa agrikultura gikan sa Municipal Agriculture Office, ug social welfare assistance gikan sa Municipal Social Welfare and Development Office.
Mitambong usab sa kalihokan ang LGBTQIA+ community (AGILA) ug ang 57th Infantry Battalion, Philippine Army, nga nagpakita sa kamahinungdanon sa panaghiusa ug koordinasyon sa paghatod sa serbisyo ngadto sa mga komunidad.
Padayon nga naningkamot ang PNP sa pagdala sa serbisyo sa gobyerno arun mas duol sa katawhan, pagpalig-on sa police-community partnership, ug pagsiguro nga maabot usab ang mga hilit nga lugar pinaagi sa matinubagong ug makahulugang serbisyo publiko.