Nasakmit sa mga personahe sa Bukidnon Police Provincial Office (BukPPO) ang kabuuan nga unom ka ream sa pinalusot nga sigarilyo nga nagkantidad og ₱4,800 sa duha ka managlahing operasyon sa lungsod sa Impasugong ug Manolo Fortich.
Subay sa taho ni BukPPO Director PCOL Oliver Sotto Navales ngadto kang Regional Director PBGEN Nestor Babagay Jr., unang nadakpan sa Purok 2, Barangay Kibenton, Impasugong ang usa ka 34-anyos nga lalaki samtang nag-display og duha ka ream nga Delta Red nga sigarilyo nga nagkantidad og ₱1,600.
Samtang sa Purok 1, Barangay Tankulan sa lungsod sa Manolo Fortich, nasikop usab sa hiniusang operasyon sa kapolisan ang usa ka 55-anyos nga lalaki samtang nagbaligya og duha ka ream sa Modern ug duha ka ream sa Casa Blanca nga sigarilyo nga nagkantidad og ₱3,200.
Giisyuhan og citation ticket ang duha ka nasikop nga suspetsado samtang gi-turnover sa Municipal Health Office ug gihuptan sa Impasugong MPS ang mga nasakmit nga kontrabando alang sa pormal nga disposisyon.
Source: Bombo Radyo Bukidnon