Sikop sa RACU-Cybercrime Bukidnon ang usa ka 32-anyos nga babaye takna 3:00 sa hapon niadtong Lunes, Setyembre 21, 2026 sulod sa usa ka boarding house sa Purok 2, Brgy. 3, Malaybalay City, Bukidnon.
Ang babaye gi-reklamo sa Philippine Dental Association–Bukidnon Chapter tungod sa giingong illegal practice of dentistry.
Matud sa kapulisan, naggamit kini sa Facebook name nga “Kate” ug nag-offer og dental services pinaagi sa social media ug giingong residente sa Alae, Manolo Fortich, Bukidnon.
Sa kinatibuk-an, gi-awhag sa RACU-Cybercrime Bukidnon sa kamahinungdanon sa pagsiguro nga ang mga serbisyong dental gihimo lamang sa mga kwalipikado ug awtorisadong dental professionals ug ana-ay tukmang balaod sa mga indibidwal nga mo lapas niini.