Duha ka High-Value Individual ang nadakpan sa managlahing buy-bust operation nga gipahigayon sa Iligan City ug Cagayan de Oro City niadtong Oktubre 2, 2026, diin kapin P1.97 milyon nga kantidad sa gidudahang shabu ang nakumpiska.
Sa Iligan City, nadakpan ang alyas “Brad,” 42 anyos, human makumpiska gikan kaniya ang 133 gramos nga gidudahang shabu nga mokantidad og P904,400.
Sa Cagayan de Oro City, nadakpan usab ang alyas “Nonoy,” 26 anyos, ug nakumpiska ang 157.32 gramos nga gidudahang shabu nga mokantidad og P1,069,776.
Ang duha ka suspek anaa na sa kustodiya sa kapulisan ug giandam ang kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Source: Bombo Radyo Bukidnon