Tingkagol ang upat ka lalaki human nasakmit ang gibana-banang ₱2,081,600.00 kantidad sa puslit nga yosi sa gihimong checkpoint operation sa mga awtoridad sa Brgy. Libertad, Kolambugan, Lanao del Norte niadtong Oktubre 13, 2026.
Gi-ila ang mga suspek nga sina alyas “Jer,” 33 anyos; “Bani,” 21 anyos; “Ray,” 50 anyos; ug alyas “Dan,” 22 anyos, parehong mga residente ng Brgy. Pag-Laum, Pagadian City, Zamboanga del Sur.
Nasakmit sa maong operasyon ang mokabat sa 2,255 ka ream sa Castorce ug 347 ka ream sa Cannon brand nga puslit nga yosi, nga adunay kinatibuk-ang 2,602 ka ream ug gibanabanang kantidad nga mokabat sa ₱2,081,600.00.
Ang maong puslit nga yosi gikarga sa usa ka green nga Isuzu Elf dropside truck nga adunay plakang JBH 6074, nga nagbiyahe padulong sa Iligan City.
“This accomplishment reflects our unwavering commitment to combating illegal trade and protecting legitimate businesses. Through strengthened checkpoint operations, intelligence-driven initiatives, and close interagency coordination, we will continue intensifying our efforts against smuggling activities while safeguarding our communities,” matod pa ni Police Colonel Leo Sua, Provincial Director sa Lanao del Norte Police Provincial Office