Kapin sa 2,500 ka benepisyaryo ang nakadawat og tagsa-tagsa ka ₱4,000 nga pinansyal nga tabang ubos sa UPLIFT Program sa Department of Social Welfare and Development (DSWD) alang sa ika-3 ug ika-4 nga tranche.
Tumong niini nga makatabang sa pagtubag sa adlaw-adlaw nga panginahanglan sa mga pamilya.
Personal nga mitambong si Mayor Lorelie Geronimo Pacquiao, MMPA, sa pagpanghatag sa pinansyal nga ayuda aron masiguro ang hapsay nga pag-apod-apod niini ug matino nga ang tabang makaabot sa mga kwalipikadong benepisyaryo.
Gipahayag sa alkalde ang iyang pasalamat sa DSWD, ubos sa pagpangulo ni Secretary Rex Gatchalian, tungod sa padayon nga pakigtambayayong ug paghatag og suporta sa mga Heneral pinaagi sa mga programa nga naghatag og dugang nga tabang sa mga pamilyang nanginahanglan.
Mga Litrato: Pat Gadjali | Percival Delizo