Nadakpan sa hiniusang operasyon sa kapulisan ang usa ka 54-anyos nga lalaki nga giklasipikar isip street-level individual sa gihimong buy-bust operation alas 7:31 sa buntag milabay nga adlaw sa Zone 4B, Barangay Kinawe, Libona, Bukidnon.

Nasakmit gikan sa suspek ang tulo ka pakete sa gituohang shabu nga may kinatibuk-ang gibug-aton nga 3.8 gramos ug gibanabanang bili nga ₱25,840, lakip ang ₱1,000 nga buy-bust money.

Gidala na sa Regional Forensic Unit-10 ang mga nakuhang ilegal nga droga alang sa laboratory examination.

Gikustodiya na karon sa Libona Municipal Police Station ang suspek samtang giandam ang pagpasaka og kaso batok kaniya kalabot sa ilegal nga droga.

Source: Bombo Radyo Bukidnon

By Shaider

Leave a Reply

Your email address will not be published. Required fields are marked *