Ge-tudlo nga mastermind sa pagbusikad sa bomba adtong December 3, 2024 ang isa ka Dawlah Islamiya member nga nagresulta sa pagkamatay sa upat ka tao ug nasamdan ang 43 ka indibidwal nga ni-tambong sa usa ka mass sa Dimaporo Gymnasium sa Mindanao State University sa Marawi City.
Ge-ila ang suspek nga si alyas “Lopitos”, miyembro sa Dawlah Islamiya Group, residente sa Brgy. Lininding, Munai Lanao Del Norte ug kini ge ila nga No. 1 Most Wanted Person Provincial Level sa Lanao del Sur Police Provincial Office.
Nahibal-an nga corner sa mga otoridad ang maong suspek sa iyang hideout sa Brgy. Maria Cristina, Iligan City adtong Oktubre 16, 2024.
Malumpuson ang gehimong operasyon tungod sa pagpaningkamot sa PNP Criminal and Investigation Group (CIDG), Lanao del Sur Police Provincial Office, ug Iligan City Police Office bitbit ang Warrant of Arrest para sa violation of section 4 of R.A 11479 (Anti-Terrorism Act of 2020) na naka-docket sa Criminal Case Number 24-30066, nga ge-isyu ni Presiding Judge, Branch 1, 12th Judicial Region, RTC, Iligan City, Lanao del Norte petsa October 11, 2024 sa Iligan City, Lanao del Norte nga wala’y piyansa nga ge-rekomenda.
Ang daling pagsikop sa suspetsado tungod sa tabang ug kooperasyon sa mga lungsoranon para mahatagan ug hustisya ang mga biktima niini. Nanawagan pud ang PNP nga isumbong sa ilang istasyon ang mga namatikdan nga iligal nga aktibidad uban ang mga wanted persons nga na ay mga atraso sa balaod.
