Misamis Oriental- Sumuko ang isang Vice Commanding Officer ng New People’s Army (NPA) sa Sitio Lincomona, Barangay Binakalan, Gingoog City, Misamis Oriental nito lamang umaga ng Setyembre 5, 2023.
Kinilala ang sumuko na si alyas “Emmanuel”, 31 anyos, at residente ng Lagonglong, Misamis Oriental.
Napag-alaman na ang sumuko ay Vice Commanding Officer-1 ng Ace Coy ng Sub Regional Committee ng Northern Central Mindanao Regional Committee na nag-ooperate sa Talakag, Bukidnon, Tagoloan, Lanao del Sur at Cagayan de Oro City.
Agad naman nakatanggap ng paunang tulong mula sa Local Government Unit ng Gingoog City tulad ng isang sakong bigas, food packs, at cash assistance.
Patuloy ang pamahalaan sa panawagan sa mga naatitira pang miyembro ng NPA na magbalik-loob at mamuhay ng tahimik kasama ang kanilang pamilya.