Isinagawa ng Lokal na Pamahalaan ng Isabela de Basilan sa pamumuno ng City Local Madrasah Development Office katuwang ang Isabela City Madrasah Association (ICMA) ang ika-8 Inter-Madrasah Musabaqah sa naturang lungsod noong Disyembre 21,2024.
Tampok sa naturang aktibidad ang iba’t ibang akademiko at kultural na mga kompetisyon kung saan binigyang highlight ang mga talento at kasanayan ng mga mag-aaral mula sa 28 Madrasah sa Isabela City.
Nagsilbing mahalagang platform ang Inter-Madrasah Musabaqah sa pagsulong ng edukasyong Islam at ang pamanang kultura na mayroon ang Muslim community sa lungsod.
Pinagtitibay rin sa pamamagitan ng aktibidad ang mahalagang papel ng mga madrasah sa paghulma ng kinabukasan ng mga kabataang Isabeleño.
