Lala, Lanao del Norte – Nauwi sa engkwentro ang pagsasagawa ng surveillance sa Top 1 Municipal Level Target ng mga awotoridad nito lamang ika-12 ng Septyembre 2023 sa Sitio Camalig, Magpatao, Lala, Lanao del Norte.
Kinilala ng mga awtoridad, ang nasawing suspek na si alyas “Jun-jun”, 41 anyos na residente ng Sitio Camalig, Magpatao, Lala del Norte na tinaguriang Top 1 Municipal Level Target List.
Ang suspek ay namataan na nakikipagtransaksyon ng ilegal na droga sa tatlong indibidwal sa nasabing lugar.
Nakalahata ang suspek sa mga operatibang nagsasagawa ng surveillance nang bigla na lamang nagpaputok ng baril dahilan upang gumanti rin ng putok ang mga awtoridad na humantong sa pagkakasawi sa suspek.
Nakuha sa naturang engkwentro ang limang pirasong basyo ng Cal 9mm; apat na aluminom foil; isang Colt MLKIV Cal .45 at dakong 3:00 ng hapon nang magsagawa ng body search ang mga awtoridad sa bangkay ng suspek at nakuha ang apat na pakete na hinihinalang shabu na may bigtat na 2.8 gramo at may Standard Drug Price na Php 19,000; tatlong piraso ng bala ng Cal 45; isang Wallet at isang Sling Bag.
Patuloy ang pagpapanatili ng kapayaan at kaayusan ng PNP sa ating pamayanan upang makamtan ang kaunlaran sa tulong ng mga mamamayan.