Sultan Kudarat – Sumuko ang tatlong miyembro ng New People’s Army (NPA) sa mga awtoridad sa Sitio El Lembol, Brgy. Suli, Kiamba, Sarangani Province nito lamang ika-8 ng Nobyembre 2023.
Kinilala ang tatlong sumuko na sina alyas “Mike”, 27 anyos; alyas “YenYen”, 36; at alyas “Erick”, 38, pawang mga residente ng Purok Matingao-1, Brgy. Tambilil, Kiamba Sarangani Province.
Dahil sa naranasan na hirap, gutom, at pang-aabuso sa loob ng kilusan kaya’t napagpasyahan nilang tumiwalag sa grupo.
Patuloy ang panawagan ng pamahalaan sa mga natitira pang miyembro ng NPA na sumuko at magsimulang muli kasama ang kanilang mga mahal sa buhay.