Gipusil patay sa usa ka Grade 11 student ang iyang subject teacher human kini gi-bagsak, mao kini ang motibo human ni-surrender ang suspek sa mga awtoridad sa Brgy. Narra, Balabagan, Lanao del Sur.
Nahibal-an nga daghan ug bagsak nga subjects ang maong estudyante peru sa maong teacher nga si Danilo Barba, 34 anyos, biktima, lamang kini nasuko pag-ayo ang suspek nga giila nga si alyas “Kaizer”, 20 anyos, Grade 11 student.
Gipatay sa maong suspek ang maong magtutudlo gamit ang kalibre .45 nga pistola unya naigo kini sa ulo ug hinungdan sa hinanaling kamatayon.
Diretso nisibat ang suspek ug nagtago sa mga kaparyentihan sa Marogong ug tungod sa tabang ug tambag sa iyang igsoon nga usa ka pulis, napasurrender kini sa kapulisan.
Gipahugtan ang seguridad sa Balabagan Trade School ug kini gidumala sa kapulisan ug kasundaluhan arun malikayan nga mahitabo ang maong pagpamusil ug mamintinar ang kahapsay ug kalinaw sa maong lugar.
