Gisaulog sa kadaghanan labi na kitang mga Pilipino ang Kalag-kalag 2025 isip paghinumdom sa atong mga mahal sa kinabuhi nga nitaliwan na sa kalibutan karung Nobyembre 1 ug 2, 2025.
Mao kini ang higayon nga makabisita kita sa sementeryo alang sa paghinumdom sa ilang mga nahimong maayo samtang buhi pa sa kalibutan ug mahatagan ug oras nga manglimpyo sa ilang mga pantyon.
Nahimong malampuson ang Kalag-kalag tungod sa pagdumala sa atong mga Local Government Unit, Armed Forces of the Philippines, Philippine National Police, Bureau of Fire Protection,volunteers ug uban pang ahensya sa law enforcement.
Ang paghandum sa atong mahal sa kinabuhi nga namatay na nagpamatuod nga bisan wala na sila sa kalibutan apan permi nato sila kauban sa atong kasing-kasing ug pahinumdom nga tanan kita mamatay busa pilion nato ang maayong buhat samtang buhi pa ug ipakaylap ang kaayo ug sundon ang kabubot-on sa Ginoo.