Mao kini ang hugot nga mensahe ni Police Lieutenant General Jose Melencio C Nartatez Jr., Acting Chief, PNP kabahin sa ikaduha nga adlaw sa rally sa mga miyembro sa Iglesia ni Cristo (INC) dungan sa gipahigayon nga Traditional Monday Flag Raising Program karung buntag sa Lunes, Nobyembre 17, 2025 sa Kampo Crame, Quezon City.
Ang preparasyon sa PNP matud pa ni ACPNP Nartatez Jr., base kini sa aktwal nga kasinatian, mga leksyon sa niagi, ug klaro nga pagsabot sa gidak-on ug gilapdon sa susama nga panagtapok.
Ug naghatag kini ug pagsalig sa katawhan nga ang kapulisan ipatuman ang “Maximum Tolerance” sa tulo ka adlaw nga peace rally para masiguro ang pagpatuman sa seguridad sa tanan nga nitambong ug pagpakita sa dignidad, pagtahod sa mga katungod sa tawo ug pagsiguro nga ang pagtuo mahimong mapraktis nga gawasnon ug malinawon.