Padayon ang paningkamot sa Oral Health Program sa Malaybalay City Health Office (CHO) sa paghatag og kalidad nga dental services ngadto sa mga hilit nga lugar, lakip na ang Sitio Candi-isan sa Barangay Can-ayan.
Ang mga serbisyong gitanyag atol sa outreach naglakip sa Oral Health Education, Oral Examination ug Consultation, Oral Prophylaxis, Tooth Extraction, Fluoride Varnish Application, ug pag-apod-apod sa Oral Health Kits.
Ang kalihukan nagtumong sa pagpasiugda sa kahibalo sa oral health ug paghatag og mahinungdanon nga preventive ug curative nga mga serbisyo alang sa mga komunidad nga limitado ang akses sa mga dental facility.
Ang mga serbisyo gipangunahan nila ni Dr. Morris Philip D. Madriaga (Dentist III), Dr. Jerome Alfons Palabrica (Dentist II), ug mga dental aide nga sila Mr. Lemuel Sulinay ug Ms. Wilma Mansanero.
Report: Mhegan L. Dominguez, HEPO III, CHO-NADA