Gipahigayon ang random drug test sa mga miyembro sa Davao del Sur Police Provincial Office sa DSPPO Gym, Brgy. Agustin, Digos City, Davao del Sur adtong Nobyembre 18, 2025.
Nanguna sa maong drug test si Police Colonel Leo T Ajero, Provincial Director, Davao del Sur Police Provincial Office, ug kini gihimo sa tinguha nga ang tanang kapulisan nga nagserbisyo sa probinsya magpabilin nga matinud-anon, propesyonal, adunay integridad, ug walay kalambigitan sa paggamit o pagpang-apil sa bisan unsang transaksyon nga may kalabutan sa iligal nga droga.
Nahibal-an nga kung adunay mag-positive result sa maong drug test kay mag-atubang ug administrative ug criminal nga kaso sumala sa balaod ug patakaran sa PNP.