Napuno sa kahibalo ug praktikal nga kasinatian ang mga kabataan nga mitambong sa Product Development Activity nga gipahigayon sa City Hall sa Tagum, Davao del Norte kaniadtong Mayo 28, 2026, isip kabahin sa 5-day Kidspreneurship Bootcamp Season 2.
Ang maong kalihukan gipangunahan sa City Public Employment Services and Capability Development Office, nga nagtumong sa pagpalambo sa kahibalo ug abilidad sa mga partisipante isip mga umaabot nga young entrepreneurs pinaagi sa hands-on nga pagbansay sa negosyo.
Sa maong aktibidad, nasuwayan sa mga partisipante ang paghimog lain-laing produkto sa Food and Beverages sama sa mini donuts, cookies, pastillas, graham balls, ug iced drinks. Dugang pa niini, nakasinati usab sila sa paghimo og beaded accessories nga nagpakita sa ilang pagkamamugnaon ug abilidad sa craft-based products.
Ang Kidspreneurship Bootcamp Season 2 nagpadayon sa paghatag og oportunidad sa mga kabataan nga makakat-on sa praktikal nga kahibalo sa negosyo, pagkamamugnaon, ug disiplina sa pagdumala sa ilang kaugalingong produkto.