Gipahigayon sa Valencia City Youth Development Office (VCYDO) ang “Tara, G! A Youth Leadership School Tour” sa Lurugan National High School, Valencia City, Bukidnon niadtong Setyembre 8, 2026.
Gitumong sa maong kalihokan ang pagpalambo sa kahibalo ug abilidad sa mga kabatan-onan bahin sa pagpangulo, self-awareness, decision-making, ug responsibilidad isip mga batan-ong lider.
Pinaagi sa mga diskusyon ug learning activities, gihatagan ang mga estudyante og higayon nga mas masabtan ang ilang kaugalingon, papel isip mga lider, ug ang mga hagit nga kauban sa pagpangulo.
Gipadayag usab sa VCYDO ang pagpasalamat sa Lurugan National High School, School Youth Organization, mga student leaders, ug mga kabatan-onan sa ilang aktibong partisipasyon ug mainitong pagdawat sa maong kalihokan.
Gisuportahan ang programa sa Lokal nga Pangagamhanan sa Valencia ubos sa liderato ni Mayor Amie G. Galario ug sa 10th Sangguniang Panlungsod sa pagpanguna ni Vice Mayor Greizl Galario-Fernandez.
