Mokabat sa kapin ₱173,000 nga balor sa gidudahang shabu ang nakumpiska samtang usa ka 34-anyos nga lalaki ang nasikop sa gipahigayon nga drug buy-bust operation sa Kalilangan, Bukidnon kaniadtong Domingo sa gabi-i, Setyembre 6.
Giila ang nasikop nga suspek nga si alyas “Kayo”, kinsa nakatala isip street-level individual. Subay sa report sa Bukidnon Police Provincial Office sa pamunoan ni Provincial Director PCOL Oliver Sotto Navales, gipahigayon ang maong joint operation sa Kalilangan Municipal Police Station, PDEA 10, ug uban pang kabangisan sa kapolisan sa Purok 1, West Poblacion sa maong lungsod.
Nakuha gikan sa suspek ang tulo ka sachet sa gidudahang shabu nga nagtimbang og 25.50 gramos ug gibanabana nga nagbalor og ₱173,400.00, lakip na ang usa ka cellphone ug buy-bust money. Ang nasikop nga suspek kasamtangang gitanggong na sa Kalilangan MPS ug nag-atubang sa pormal nga kasong paglapas sa Republic Act 9165.
Source: Bombo Radyo Bukidnon