Mahimong drainage cover pinaagi sa Lokal nga Panggamhanan sa Tagum ang mga nakolektang plastic nga basura sa PET nga basurahan ug kadtong ginalabay sa Tagum Sanitary Landfill sa Barangay Nueva Fuerza.
Ang inisyal nga namugnang drainage cover gisugdan na og taod kagahapong adlawa, sa F. Dela Cruz P. Sagun Elementary School sa Barangay Mankilam.
Musunod niini ang uban pang pampublikong tulunghaan aron himuong mas luwas ug limpyo ang mga kanal alang sa tawhay nga pag-eskwela sa mga estudyante sa Tagum.
Ang maong recycling innovation nga gipangunahan sa City Environment and Natural Resources Office, kauban sa City Engineer’s Office, dili lamang cost-efficient nga lakang sa LGU apan dakong tabang usab aron maminusan ang basura sa Sanitary Landfill ug dili kini daling mapuno.
Ang mahinungdanong inisyatibo nga gisugdan ni Mayor Rey T. Uy, dili lamang naghatud og kaayuhan sa katawhan sa Tagum, apan apil usab sa atong kinaiyahan.