Gisaulog matag bulan sa Oktubre ang Nasudnong Bulan sa mga Indigenous People’s aron paghatagan og pag-ila ug pagpasidungog ang ilang dato nga kultura, tradisyon, mga katungod, ug mga kontribusyon sa katilingban.
Kini gina-celebrate sa probinsya sa Bukidnon arun paghatag ug bili sa pito ka tribo nga mao ang Bukidnon, Higaonon, Talaandig, Manobo, Matigsalug, Tigwahanon, ug Umayamnon.
Tumong niini nga pagsaulog ang pagpalapad sa kahibalo sa publiko bahin sa kamahinungdanon sa pagrespeto ug pagpanalipod sa identidad ug kabilin sa mga katutubong komunidad.
Pinaagi niini, giawhag ang matag usa nga magtinabangay sa pagpreserbar sa ilang mga tradisyon ug pagpalig-on sa panaghiusa, respeto, ug pagkaparehas sa katungod sa tanang katawhan.