Nasikop sa kapulisan ang usa ka 38-anyos nga lalaki nga apil sa listahan sa top 6 most wanted person sa municipal level sa Lantapan, Bukidnon tungod sa duha ka kaso sa rape.
Nadakpan ang suspetsadong suspek sa Purok 2B, Barangay Poblacion, Lantapan atol sa operasyon sa Lantapan Municipal Police Station, 1st Bukidnon Provincial Mobile Force Company ug Bukidnon Provincial Intelligence Unit.
Ang pagdakop gibase sa warrant of arrest nga gipagawas niadtong Septiyembre 8, 2026, alang sa duha ka kaso sa rape nga walay gitakdang piyansa.
Ang nadakpan, minyo ug residente sa maong lugar, anaa na karon sa kustodiya sa Lantapan Municipal Police Station alang sa dokumentasyon ug hustong proseso.
Source: Bombo Radyo Bukidnon