Giwarningan sa Roads and Traffic Administration sa pangulo ni Department Manager Doy Ramiro ang mga drayber sa pampublikong jeepney sa Kauswagan, Bonbon, ug Bayabas nga mosubay gayud sa gitudlo nga linya kon kini para Carmen man o Highway.
Gipagawas sa buhatan ang pahimangno tungod sa mga nadawat nga reklamo sa mga pasahero sa nasambit nga dapit nga wala na gayoy masakyan nga jeepney padulong Carmen kay halos tanan adto na nagdagan sa Highway.
Gipasabot sa opisyal nga nag-operate out of route ang pipila ka jeepney driver tungod sa kanihit sa pasahero, nga nagbunga na sa pag-double ride ug dugang kagastoan sa mga katawhan.
Gidugang sa buhatan nga mohatag una og paunang warning ug pag-ila sa kinahanglanon sa mga komyuter sa dili pa mosulod ang direktang pagpangdakop aron dili na makaabot sa LTFRB ang mga reklamo.
Source: Bombo Radyo CDO