Balhog sa bilanggoan ang duha ka gidudahang drug personalities human madakpan sa hiniusang operasyon sa PDEA-10 ug kapulisan sa Purok Zamora, Barangay Hubangon, Mahinog, Camiguin.
Giila ang mga dinakpan nga alyas “Trickz,” 35-anyos, ug alyas “Juh,” 49-anyos, nga parehong residente sa maong lugar.
Nakuha gikan kanila ang 10 ka sachet sa gidudahang shabu nga mokabat og 10 gramos ug nagkantidad og ₱68,000, ug 30 gramos nga pinauga nga dahon ug bunga sa marijuana nga nagkantidad og ₱3,600.
Atubangon sa duha ang kasong paglapas sa Section 11, Article II sa Republic Act 9165 o Comprehensive Dangerous Drugs Act of 2002.
Source: Bombo Radyo Bukidnon