Patay ang usa ka opisyal sa Philippine Coast Guard human kini gipusil sa sulod sa iyang sakyanan nga naka-parking sa gilid sa highway sa Barangay Veterans Village sa Ipil, Zamboanga Sibugay adtong gabie sa Huwebes, Enero 15, 2026.
Gi-ila ang biktima nga si Lieutenant Junior Grade Glennick Ytang, Commander, Philippine Coast Guard Ipil Substation.
Nahibal-an nga kalit lang kini gidoolan sa usa ka lalaki nga suspek ug diretso kini gipusil ang biktima sa unom ka beses sa lain-lain nga parte sa iyang lawas nga mao ang hinungdan sa iyang hinanaling kamatayon.
Samtang gi-awhag sa Ipil PNP ang katawhan sa ilang kooperasyon arun dali masulbad ang maong pagpatay ug mailhan ang nasa likod niini.